PAG-IBIG
marami nang nagpatiwakal dahil sa pag-ibig
subalit sa ganitong kaso'y sino ang umusig
maraming nagkahiwalay matapos magkaniig
habang ang iba'y walang maipalamon sa bibig
binibigay ng lalaki ay tsokolate't rosas
na sa panahon daw ngayon ay talaga nang gasgas
dapat daw inihahandog na'y isang kabang bigas
na ipambubuhay sa magiging pamilya't bukas
subalit dalawang puso ang nagkaunawaan
di man bumigkas ng salita'y nagkaintindihan
mata sa mata, titig sa titig, nagkatitigan
habang si Kupido at Eros ay nakamasid lang
O, pag-ibig, ikaw nga ang sa mundo'y bumubuhay
nang itanim ang binhi hanggang tumubo ang palay
nang dahil sa iyo ay nagtangkang magpakamatay
buti't may isa pang pag-ibig na nagbigay-buhay
- gregoriovbituinjr.
03.19.2024
* litrato mula sa app game na Word Connect
Walang komento:
Mag-post ng isang Komento