ANG MABAIT
tawag sa kanila'y mabait, totoo, mabait
marahil dahil sila'y tahimik kaya mabait
di naman maiingay ang daga't kanyang bubuwit
tahimik lang sisirain yaong gamit mo't damit
kahit na mumo lang o kaya'y tira-tirang litson
aba'y kapag kinanti mo sila, lagot ka ngayon
gaganti sila't sira-sira ang iyong pantalon
paano mapaglalaho ang mabait na iyan
o kaya iyang mabait ay lasunin mo naman
pag namatay sa sulok, mamamaho ang tahanan
o makabubuti bang sila na lang ay hayaan
ang mabait, ang mababait, naroon sa sulok
maya-maya't magtatakbuhan, may pagkaing bulok
para bagang magnanakaw, tatangayin sa sulok
ng mabait ang itinapong tira-tirang manok
- gregoriovbituinjr.
* pasensya na sa litrato, baka masuka ang iba pag daga ang litrato, kaya mouse na lang ng kompyuter
* litrato mula sa google
Walang komento:
Mag-post ng isang Komento