ayoko ng anumang trabaho o hanapbuhay
na para bagang naghihintay ka na lang mamatay
halimbawa, sa malayong mansyon ay tagabantay
para lang sa sahod, nasasayang ang iyong buhay
ayokong tagapakain ng aso ng mayaman
at nakakulong lang sa mansyon, walang kalayaan
ayokong magbantay ng kanilang ari-arian
para sa karampot na sahod, buhay na'y sinayang
mas maigi pang sa pabrika'y maging manggagawa
baka makatulong pa sa ekonomya ng bansa
kahalubilo pa ang kauri mong maralita
na may paninindigan din at prinsipyong dakila
at sasabihin mong sa trabaho'y namimili pa
oo, trabahong may katuturan at mahalaga
pagkat magtatrabaho ako di dahil sa pera
minsan ka lang mabuhay, dapat makabuluhan na
mas nais ko pang ginagawa'y ang may katuturan
tulad ng pagbaka upang mabago ang lipunan
kumakain ka nang may prinsipyo't paninindigan
kasama sa pag-ugit ng kasaysayan ng bayan
tanong sa akin: ang prinsipyo ba'y nakakain mo?
oo, mas mahirap kumain kung walang prinsipyo
mahirap mabulunan kung korupsyon galing ito
mabuting pa ang mabuhay kang marangal na tao
ganyan dapat ang buhay, di pawang katahimikan
ang iniisip kundi para sa kapwa mo't bayan
na ipinaglalaban ang hustisyang panlipunan
mabubuhay at mamamatay nang may kabuluhan
- gregbituinjr.
Mag-subscribe sa:
I-post ang Mga Komento (Atom)
-
SA NARINIG KONG TUMULANG KATUTUBO nadama ko ang kaygandang tula dini sa puso'y nakahihiwa upang laban nila'y maunawa sana'y mara... -
ANG LIBRO thirty five pesos lang ang libro sa BookSale ko nabili ito bakasakali lang matuto sa taong binabanggit dito pamagat ng libro... -
itong Apitong pala'y isang katutubong puno sa bansa, tulad ng nara, buti'y di pa naglaho kayrami raw noon nito, mura't di manlul...
Walang komento:
Mag-post ng isang Komento